Qazaqstan Respýblıkasy Mádenıet jáne sport mınıstrliginiń buıryǵy  №356 

2015 jylǵy 16 qarasha, Astana qalasy Memorıaldyq taqtalardy ornatýdyń ólshemsharttary men  qaǵıdalaryn bekitý týraly «Tarıhı-mádenı mura obektilerin qorǵaý jáne paıdalaný týraly» Qazaqstan Respýblıkasynyń 1992 jylǵy 2 shildedegi Zańynyń 19-babynyń 14-12) tarmaqshasyna sáıkes buıyramyn: 1. Mynalar: 1) osy buıryqqa 1-qosymshaǵa sáıkes memorıaldyq taqtalardy ornatýdyń ólshemsharttary; 2) osy buıryqqa 2-qosymshaǵa sáıkes memorıaldyq taqtalardy ornatýdyń qaǵıdalary bekitilsin. 2. Qazaqstan Respýblıkasy Mádenıet jáne sport mınıstrliginiń Mádenıet jáne óner isteri departamenti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq memlekettik tirkelgennen keıin on kúntizbelik kún ishinde osy buıryqtyń gerbtyq mórmen rastalǵan elektrondyq tasymaldaýshydaǵy kóshirmelerin qaǵaz nusqalarynyń kóshirmesimen qosa «Ádilet» aqparattyq-quqyqtyq júıesinde jáne merzimdi baspasóz basylymdarynda resmı jarııalaý úshin joldaýdy; 3) osy buıryqty resmı jarııalanǵannan keıin Qazaqstan Respýblıkasy Mádenıet jáne sport mınıstrliginiń ınternet-resýrsynda ornalastyrýdy; 4) Qazaqstan Respýblıkasy Mádenıet jáne sport mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarymen qarastyrylǵan is-sharalar oryndalǵan kúnnen bastap on kúnniń ishinde is-sharalardyń oryndalýy týraly málimetterdi berýdi qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Mádenıet jáne sport vıse-mınıstrine júktelsin. 4. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi. Mınıstr A. Muhamedıuly Qazaqstan Respýblıkasy Mádenıet jáne sport mınıstriniń 2015 jylǵy 16 qarashadaǵy №356 buıryǵyna 1-qosymsha Memorıaldyq taqtalardy ornatýdyń ólshemsharttary Memorıaldyq taqtalardy ornatýdyń ólshemsharttary: Qazaqstan Respýblıkasy aldynda eńbegi bar asa kórnekti tulǵa jáne Qazaqstan Respýblıkasy úshin tarıhı mańyzy bar aıryqsha oqıǵa; asa kórnekti tulǵanyń qaıtys bolǵan kúninen bastap jáne aıryqsha oqıǵanyń bolǵan kúninen bastap keminde bes jyl; ǵımaratta nemese qurylys jaılarynda asa kórnekti tulǵanyń ómir súrý, qyzmet jasaý, bolý jáne ótken aıryqsha oqıǵanyń faktileri. Qazaqstan Respýblıkasy Mádenıet jáne sport mınıstriniń 2015 jylǵy 16 qarashadaǵy №356 buıryǵyna 2-qosymsha Memorıaldyq taqtalardy ornatýdyń qaǵıdalary 1. Jalpy erejeler 1. Osy Memorıaldyq taqtalardy ornatýdyń qaǵıdalary memorıaldyq taqtalardy ornatýdyń tártibin anyqtaıdy. 2. Memorıaldyq taqtalar Qazaqstan Respýblıkasynyń asa kórnekti tulǵalaryn, aıryqsha oqıǵalaryn máńgi este saqtaý maqsatynda ornatylady. 3. Memorıaldyq taqtalar asa kórnekti tulǵa ómir súrgen, qyzmet jasaǵan nemese bolǵan, aıryqsha oqıǵa bolǵan ǵımarattar men qurylystardyń qasbetterinde ornatylady. 4. Memorıaldyq taqtalar mármár, granıt, temir nemese basqa da materıaldardan jasalady jáne eki metrden tómen emes bıiktikte 50 h 80 santımetrden aspaıtyn kólemde ornatylady. 5. Memorıaldyq taqtanyń mátini asa kórnekti tulǵa týraly (tegi, aty, ákesiniń aty (bolǵan jaǵdaıda) ómir súrý kezeńi, qyzmet salasy, sińirgen eńbegi) málimetterdi jáne aıryqsha oqıǵa týraly (kúni, orny, sıpattama) málimetterdi, sonymen qatar qajettilik bolǵan jaǵdaıda tulǵanyń portrettik beınesin jáne dekoratıvtik elementterdi quraıdy. 2. Memorıaldyq taqtalardy ornatýdyń tártibi 6. Memorıaldyq taqta ornatý úshin jeke jáne zańdy tulǵalar oblystardyń, respýblıkalyq mańyzy bar qalanyń, astananyń jergilikti atqarýshy organdaryna myna qujattardy usynady: 1) memorıaldyq taqta ornatý týraly erkin nusqada jazylǵan ótinish; 2) asa kórnekti tulǵanyń eńbegin jáne aıryqsha oqıǵanyń mańyzyn rastaıtyn arhıvtik jáne ózge qujattardyń kóshirmeleri; 3) osy buıryqtyń 4 jáne 5 tarmaqtarynda kórsetilgen derekter men málimetterdi qamtıtyn memorıaldyq taqtanyń eskızi; 4) qasbetinde memorıaldyq taqtany ornatý qaralǵan ǵımarat nemese qurylys jaıynyń menshik nemese zańdy ıesiniń jazbasha kelisimi; 5) qasbetinde memorıaldyq taqtany ornatý qaralǵan ǵımarat nemese qurylystyń respýblıkalyq jáne halyqaralyq mańyzdaǵy tarıh jáne mádenıet eskertkishi bolyp tabylǵan jaǵdaıda, tarıhı-mádenı mura obektilerin qorǵaý jáne paıdalaný salasyndaǵy ýákiletti organnyń kelisýi. 7. Usynylǵan qujattar oblystardyń, respýblıkalyq mańyzy bar qalanyń, astananyń jergilikti atqarýshy organdarymen 30 (otyz) kúntizbelik kún ishinde qaralady. 8. Oblystardyń, respýblıkalyq mańyzy bar qalanyń, astananyń jergilikti atqarýshy organdary qujattardy qaraý úshin oblystardyń, respýblıkalyq mańyzy bar qalanyń, astananyń jergilikti ókiletti organdarymen kelisý boıynsha quramyna ǵylym, mádenıet qaıratkerleri, memlekettik organdardyń ókilderi, sáýletshiler jáne basqa mamandar enetin Komıssııa qurady. 9. Komıssııa quramy oblystardyń, respýblıkalyq mańyzy bar qalanyń, astananyń jergilikti atqarýshy organdarymen oblystardyń, respýblıkalyq mańyzy bar qalanyń, astananyń jergilikti ókiletti organdarymen kelisý boıynsha belgilenedi. 10. Komıssııa tóraǵadan, tóraǵa orynbasarynan, múshelerinen jáne hatshydan turady. Komıssııa tóraǵasy onyń qyzmetine basshylyq etedi, komıssııa otyrystaryn ótkizedi. Tóraǵa bolmaǵan kezde onyń fýnksııalaryn orynbasary atqarady. Komıssııa hatshysy komıssııanyń qyzmetin qamtamasyz etý jónindegi jumysty úılestiredi, komıssııa otyrystarynyń hattamalaryn daıyndaıdy. Hatshy komıssııanyń múshesi bolyp tabylmaıdy. 11. Komıssııa sheshimderi ashyq daýys berý arqyly qabyldanady jáne eger, olar úshin komıssııanyń qatysýshy músheleriniń jalpy sanynyń basym kópshiligi jaqtap daýys berse, qabyldandy dep sanalady. Daýystar teń kelgen jaǵdaıda, tóraǵa daýysy sheshýshi bolyp tabylady. 12. Komıssııa otyrysynyń nátıjesi usynymdyq sıpatqa ıe hattamamen resimdeledi. 13. Komıssııa qujattardy: 1) osy buıryqpen bekitilgen memorıaldyq taqtalardy ornatýdyń ólshemderine sáıkestilikke; 2) asa kórnekti tulǵanyń eńbegin, aıryqsha oqıǵanyń mańyzdylyǵy faktileriniń anyqtyǵyna; 3) osy buıryqtyń 4 jáne 5 tarmaqtarynda kórsetilgen málimetterge sáıkestilikke qaraıdy. 14. Memorıaldyq taqtany ornatý týraly sheshim oblystardyń, respýblıkalyq mańyzy bar qalanyń, astananyń jergilikti atqarýshy organdarymen komıssııanyń usynymyn eskere otyryp qabyldanady. 15. Osy buıryqtyń 6-tarmaǵymen qaralǵan qujattar tolyq usynylmaǵan, málimetterdiń shyn emestigi anyqtalǵan jaǵdaıda, oblystardyń, respýblıkalyq mańyzy bar qalanyń, astananyń jergilikti atqarýshy organdary memorıaldyq taqtalar ornatý týraly usynysty komıssııa qaraýyna engizbeıdi. Buıryq Qazaqstan Respýblıkasynyń Ádilet mınıstrliginde 2015 jylǵy 14 jeltoqsanda Normatıvtik quqyqtyq kesimderdi memlekettik tirkeýdiń tizilimine №12405 bolyp engizildi.